Adega Condes de Albarei
Adega Condes de Albarei naceu en 1988 da man duns entusiastas viticultores do Val do Salnés, que tiñan o soño de elaborar albariños da máxima calidade. A adega converteríase axiña en obrigada referencia da D.O. Rías Baixas.
No ano 1991 Condes de Albarei obtén a medalla de ouro no Challenge International du Vin de Burdeos. Este galardón, o primeiro colleitado por un viño branco español, permitiríalle á adega a internacionalización dos seus viños, comercializándose en mercados tan distintos como Gran Bretaña, Estados Unidos, México ou Xapón.
No ano 2008, Condes de Albarei adquire a adega Pazo Baión emprendendo un importante proxecto vitivinícola e enoturístico.
